გაკვეთილის თემა	ფაილი და საქაღალდე
სწავლების საფეხური	დაწყებითი
კლასი	V
მოსწავლეთა რაოდენობა	16
განსაკუთრებული საჭიროების მქონე მოსწავლე	არცერთი ბავშვი არ საჭიროებს განსაკუთრებულ მიდგომას
მასწავლებელი	ნათია სოხაშვილი
გაკვეთილის მიზანი	ფაილისა და საქაღალდის ცნებების გააზრება. ფაილებზე და საქაღალდეებზე მოქმედებების გაცნობა. მოსწავლეები ისწავლიან საქაღალდის და ქვესაქაღალდის შექმნას. ფაილებზე და საქაღალდეებზე მოქმედებების გაცნობა: ამოჭრა, კოპირება, ჩასმა, წაშლა და აღდგენა.
მოსალოდნელი შედეგი	მოსწავლეებს ეცოდინებათ ფაილისა და საქაღალდის მნიშვნელობა, შეძლებენ ერთმანეთისგან განასხვაონ ფაილის ტიპები (ტექსტური, გრაფიკული, აუდიო, ვიდეო). დაჯგუფებენ  ფაილებსსაქაღალდეში. გააზრებულადდაარქმევენ  სახელწოდებებსსაქაღალდეებსდაქვესაქაღალდეებს.გამოუმუშავდებათ ინფორმაციის ორგანიზებულად  წარმოდგენის უნარ-ჩვევები.
სტანდარტთან შესაბამისობა	ის ტექნ. V4 ·         აცნობიერებს ციფრულ მოწყობილობაში მონაცემთა შენახვის იერარქიას (მაგ: ფაილი, საქაღალდე). გააზრებულად არქმევს სახელწოდებებს სტრუქტურის ელემენტებს. ·         ახდენს ფაილებისა და საქაღალდეების ლოგიკურ ორგანიზებას მონაცემთა ეფექტიანად შენახვის, მოძებნისა და წაკითხვის მიზნით.
წინასწარი ცოდნა	მოსწავლეებს შეუძლიათ ტექსტურ რედაქტორში მუშაობა, ტექსტის შენახვა.
შეფასების საგანი და პროცედურები	მოსწავლეები შეფასდებიან წინასწარ შემუშავებული შეფასების რუბრიკის საშუალებით
სასწავლო მასალა და ტექნიკური რესურსები	სახელმძღვანელო, კომპიუტერი, პროექტორი, ფურცლები, მარკერები.
გაკვეთილის მსვლელობა	საორგანიზაციო საკითხები - 2 წუთი A ფაზა (გამოწვევა- 15 წუთი) მასწავლებელი კლასს ყოფს ორ ჯგუფად შემთხვევითობის პრინციპით. ფურცლებზე წერს ერთიანს და ორიანს. თითოეული მოსწავლე იღებს ფურცელს და ჯგუფდებიან ( ერთიანები ერთ ჯგუფში, ორიანები - მეორე ჯგუფში). მასწავლებელი მაგიდაზე ალაგებს სხვადასხვა ტიპის ფაილებს(ტექსტური, გრაფიკული და აუდიო) და  თითოეულ ჯგუფს აძლევს განსხვავებულ დავალებას: პირველი ჯგუფი ფაილებს ალაგებს ტიპების მიხედვით. მეორე ჯგუფი დახარისხებულ ფაილებს არქმევს შესაბამის სახელს. B ფაზა - ( 22 წუთი) შესრულებული დავალების შემდეგ მასწავლებელი  მოსწავლეებთან ერთად მართავს დისკუსიას, აცნობს საქაღალდეებისა და ფაილების ცნებას, არკვევს მოსწავლეებს ფაილის ტიპებში, ფაილის ზომებში. პროექტორის საშუალებით ახდენს  დემონსტრირებას. C ფაზა (6 წუთი) ახდენს გაკვეთილის შეჯამებას რა ვისწავლეთ და რაში გამოგვადგება მიღებული ცოდნა. აფასებს მოსწავლეებს.

შეფასების სქემა

კრიტერიუმი	1-3	4-6	7-8	9-10
საქაღალდის შექმნა	ვერ ქმნის საქაღალდეს.	უჭირს საქაღალდის შექმნა დამოუკიდებლად.	ქმნის საქაღალდეს, ქვესაქაღალდეს. შეუძლია ფაილისა და საქაღალდის ერთმანეთისგან გარჩევა, მაგრამ უჭირს  ფაილის ტიპების განსხვავება.	დამოუკიდებლად შეუძლია საქაღალდის და ქვესაქაღალდის შექმნა.შეუძლია ფაილისა და საქაღალდის ერთმანეთისგან გარჩევა,  ფაილის ტიპების განსხვავება.
ფაილების გადატანა და ორგანიზება	უჭირს სახელის დარქმევა და გადარქმევა.	უჭირს ფაილების მოთავსესება საქაღალდეში.	შეუძლია ფაილს დაარქვას და გადაარქვას სახელი, მოათავსოს საქაღალდეში, მაგრამ ვერ ახდენს ფაილის ტიპის განსაზღვრას.	დამოუკიდებლად შეუძლია  ფაილს დაარქვას და გადაარქვას სახელი, ათავსებს საქაღალდეში.
ფაილის ზომა	უჭირს ფაილის ზომების განსაზღვრა.	ვერ პოულობს ფაილებს ზომების მიხედვით.	პოულობს ფაილებს მითითებული ზომების მიხედვით, თუმცა უჭირს მისი მოთავსება საქაღალდეში.	დამოუკიდებლად პოულობს ფაილებს მითითებული ზომების მიხედვით, ათავსებს საქაღალდეში.