გაკვეთილის თემა	ფაილების ტიპები და მასთან დაკავშირებული მოქმედებები.
სწავლების საფეხური/	საბაზო, VII კლასი
ინტეგრირებული საგნები	ისტ, ხელოვნება,გეოგრაფია.  პედაგოგები: ლია ჯალიაშვილი, მანანა ჯალიაშვილი.
მოსწავლეთა პროფილი	2 ბავშვი
აქტივობის მიზნები დამისაღწევი შედეგები	აქტივობები: საკლასო მსჯელობა, ინტერნეტში მასალის მოძიება, სახელმძღვანელოზე მუშაობა. მიზნები: ისტ: მუშაობის პროცესში „save,   save as“  ფუნქციების გამოყენების სწავლება,მონაცემთა შენახვის იერარქიის განხილვა და დაჯგუფება საქაღალდე-ქვესაქაღალდეებად. ფაილების განსხვავება ტიპების მიხედვით, სახელის დარქმევა შესაბამისი სტრუქტურებისთვის. ხელოვნება: არქიტექტურის სახეობების, მსოფლიო არქიტექტურის უმნიშვნელოვანესი ნიმუშების გაცნობა,სასწავლო მასალის ცხოვრებისეულ გამოცდილებასთან დაკავშირების განვითარება. გეოგრაფია: ევროპის ქვეყნების გაცნობა,ბუნებრივი ზონების განხილვა,რომელიც ყველაზე ხელსაყრელია საცხოვრებლად და შრომითი საქმიანობისთვის.
ეროვნული სასწავლო გეგმით განსაზღვრულიმისაღწევი შედეგი/ინდიკატორები	მოსწავლეს შეუძლია ისტ-ის ეფექტიანად და უსაფრთხოდ გამოყენება ინფორმაციის მიღების, შენახვისა და ორგანიზების დროს. აცნობიერებს ისტ-ს როლს ადამიანის ინტელექტის განვითარებაში. მოსწავლეს ესმის და წარმოაჩენს, რომ ხელოვნება თვითგამოხატვის საშუალებაა.ჩამოთვლის და აანალიზებს რამდენიმე მიზეზს: რატომ ქმნიან ადამიანები ხელოვნების ნაწარმოებებს,  რის გადმოცემა სურდათ ნამუშევარში. მსჯელობს ხელოვნებაზე როგორც გატაცებასა და პროფესიაზე. განსაზღვრავს გეოგრაფიული ობიექტების და ტერიტორიების ადგილმდებარეობას რუკაზე.
წინასწარი ცოდნა	ისტ– ინტერნეტ ბრაუზერის და ტექსტური რედაქტორის მოხმარება,კლავიატურის ფუნქციური კლავიშების გამოყენება. ხელოვნება- რა მიმდინარეობებია ხელოვნებაში დროის მიხედვით. გეოგრაფია- რუკაზე ორიენტირება.
თანმიმდევრობა	მისალმება და გაკვეთილის მიზნის,სტრუქტურის გაცნობა. ცოდნის აქტუალიზაცია :ფრონტალური გამოკითხვა კითხვები: 1) ჩამოთვალეთ მიმდინარეობები ხელოვნებაში ეპოქების მიხედვით 2) რომელი ბროუზერის გამოყენებას ანიჭებთ უპირატესობას მუშაობის პროცესში და რატომ? ვაცნობ  ევროპის ქვეყნებს საათობრივი ზოლის,მოსახლეობის და სახელმწიფოთა რაოდენობის მიმოხილვით.ეროვნული პარკები,ფლორა,ფაუნა,მთათა და მდინარეთა სისტემა,ღირსშესანიშნავი ადგილები:სტოუნჰენჯი, საგრადა ფამილია, ნოიშვანშტაინის კოშკი.შევჩერდები ერთ-ერთ სახელმწიფო-ესპანეთის განხილვაზე. მოკლედ ვიხილავ ესპანეთის სახელმწწიფოს მდებარეობას,მის მოსაზღვრე ქვეყნებს სახელმწიფო მმართველობის ფორმას, კულტურას, ისტორიას, ეკონომიკას,ჰავას,მდინარეებსა და ტბებს.ვჩერდები ესპანურ ფლამენკოსა და კორიდას განმარტებაზე. ბავშვები მასწავლებლის დახმარებით იძიებენ ka.wikipedia-ს საშუალებით ესპანეთზე რამოდენიმე სურათს, გადმოიწერენ საქაღალდეში, დაარქმევენ სახელს. ასევე გადმოიწერენ კორიდას შესახებ ინფორმაციას ტექსტის სახით (copy-paste-ის დახმარებით) და მოათავსებენ ტექსურ რედაქტორში- MS WORD. ვუხსნი რომ ესპანეთი არქიტექტურის შედევრებით ცნობილი ქვეყანაა,ვუყვები არქიტექტურის განმარტებას,რა არის არქიტექტორის მუშაობის პროცესში გასათვალისწინებელი, ფასადის,ინტერიერის და ექსტერიერის განმარტება. დავალება წიგნიდან: სურათზე გამოსახული ნაგებობები რისთვისაა განკუთვნილი. ესპანეთს უხვად ყავს ცნობილი არქიტექტორები,მათგან შევჩერდებით ანტონიო გაუდისა და სანტიაგო კალატრავას შემოქმედებაზე. ვაჩვენებ სურათს:ანტონიო გაუდი დავალება: მოიძიონ და გაეცნონ ka.wikipedia-ს საშუალებით დასახელებულ არქიტექტორთა ბიოგრაფიას. პრეზენტაციის ჩვენება– '' ღმერთის არქიტექტორი'' ნანახის მიმოხილვა და შთაბეჭდილებების გაზიარება დისკუსიის საშუალებით. გამოკითხვის შედეგების შეჯამება და დასკვნის გამოტანა გაკვეთილის ეფექტურობის შესახებ.
შეფასება	ვიყენებ შეფასების რუბრიკას
საკლასო მენეჯმენტი/საგანმანათლებლო რესურსი	წიგნი, კალამი, რუკა, კომპიუტერი,პროექტორი, ინტერნეტთან წვდომის საშუალებები და ბროუზერები.